Промоција на книгата за деца „По сончевиот пат на македонската азбука“

На „Детските  Рацинови средби“ што ќе се одржат денеска и утре во Велес, ќе биде промовирана најновата книга за деца „По сончевиот пат на македонската азбука“ од познатиот писател за деца Наум Попески.

Во книгата се опеани сите букви од азбуката, проследени со соодветни илустрации во боја. Наменета е, пред се, за децата од поголемите групи во градинките кои се подготвуваат за училишниот буквар. 

- Драго ми е што покрај присуството на наставници од многу основни училишта од Македонија, мои колеги поети за деца, на промоцијата ќе присуствуваат и најмладите, децата на кои им е наменета оваа книга, изјави  Попески, кој е познат по популарната книга „Бонтон за деца“ објавена пред 20-ина години.