Променливо облачно и нестабилно со повремени локални врнежи од дожд и грмежи
До крајот на денот времето ќе биде променливо облачно и нестабилно со локален пороен дожд, грмежи, засилен ветер и услови за изолирана појава на град. Попладнево нестабилно со пороен дожд и појава на грмежи имало во западните планински региони, во Охридско-Преспанскиот регион и во Пелагонија.
Според најавите, времето и утре ќе биде променливо облачно и нестабилно со повремени локални врнежи од дожд и грмежи. Од УХМР велат наместа процесите ќе бидат поинтензивни во форма на невреме со пообилен пороен дожд, грмежи, силен ветер и услови за изолирана појава на град. Минималната температура ќе биде во интервал од 4 до 10, а максималната ќе достигне од 15 до 23 степени.
Во Скопје, променливо облачно, попладне во делови од котлината ќе биде нестабилно со пороен дожд, грмежи, засилен ветер и услови за изолирана појава на град. Минималната температура ќе се спушти до 9, а максималната ќе достигне до 23 степени.
Во наредните денови, пак, ќе се задржи променливо облачно и посвежо време со повремен локален дожд. Од вторник ќе биде стабилно, претежно сончево со пониски утрински температури, а дневните ќе бидат во постепен пораст.
Ново на Сител
-
Влада: 50-тина училишта ќе добијат фотоволтаични системи
-
ФА: Мудрик пред четиригодишна суспензија
-
Гвардиола го избра Силва за нов капитен
-
Порази на Ивановски и Стоилковска
-
Светскиот рекордер Домен Превц доби споменик на Планица
-
ФИФА: Продадени 1.5 милиони влезници за Светското клупско првенство
-
Најмногу дожд во Лазарополе и Охрид, нестабилно време и денеска
-
Македонски државјанин ќе биде екстрадиран од Грција во Германија, бил баран со потерница за грабеж и убиство