Продолжува доминацијата на Хиршер во СК

Марсел Хиршер ја прекина победничката низа во велеслалом на Алексис Пинтаро, тој славеше во Крањска Гора, со што петта година по ред си го обезбеди големиот Кристален глобус, како вкупен победник во Светскиот куп, а исто така ја обезбеди и вкупната победа во велеслалом.

 

Во тешки услови, Хиршер по двете возења во Крањска Гора, имаше вкупно време 2:12.58 минути. Питаро, на второто место, задоцни 53 стотинки, додека третото место му припадна на Норвежанецот Хенрик Кристоферсен, кој зад Хиршер задоцни секунда и 59 стотинки.

 

Марсел Хиршер со 38-та победа во кариерата стигна до 721 бод во велесламом оваа сезона, тој има предност од 111 бодови во однос на Пинтаро, кој победни на последните четири трки во оваа дисциплина.

 

Во вкупниот поредок во Светскиот куп, Хиршер води со 1.525 бода, 333 повеќе од Кристоферсен, кој не настапува во брзите дисциплини, што значи дека Австриецот петта година по ред ќе го освои големиот Кристален глобус.

 

В недела, во Крањска Гора ќе се вози претпоследната слаломска трка оваа сезона.