Привршува откупот на слива во Пијанечко-малешевскиот регион
Привршува откупот на слива во Пијанечко-малешевскиот регион. Цените годинава варираа, но како што соопштија повеќе земјоделци, возависност од квалитетот, модрата слива се откупуваше од 9 до 13 денари за килограм.
Откупот е завршен и во најголемиот производствен капацитет во источниот регион, Рудине ММ, каде квалитетот на сливата годинава, според Кристина Пулковска од Рудине ММ, бил на задоволително ниво.
-Состојбата со слива беше добра, квалитетот задоволуваше, но родот, поради измрзнување беше слаб. Повеќето производи, меѓу кои освен слива имаме и малина и аронија, ги складираме во нашиот ладилник, додека дел од производството завршува на западноевропскиот пазар, истакна Пулковска.
Во Малешевијата ситуацијата е слична, најголемата цена за откупен килограм слива, како што информира овоштарот Бранко Ужевски од село Владимирово, достигнала 14 денари за килограм.
-Има некои недоследности при откупот, некаде цената стигнува и до 14 денари, со тоа што откупувачите си носат свои аргати кои ја берат сливата, додека данокот останува да го платат овоштарите и тогаш пресметките се други, вели Ужевски.
Овоштарите ја искористија вчерашната посета на министерот за земјоделство во Берово, да предложат преиспитување на одлуката за начинот на кој се доделуваат субвенции, особено во овоштарството. Нивното барање е наместо за засадена површина, субвенциите да се доделуваат за откупена количина што, според нив, далеку ќе го подобри нивниот приход.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО