Привремен сообраќаен режим на улицата „Кемал Сејфула“

На улицата „Кемал Сејфула“, на потегот од крстосницата со улицата „Ферид Бајрам“ до крстосницата со улицата „Босна и Херцеговина“, утре и задутре ќе има привремен сообраќаен режим, соопштија од Град Скопје.

Улицата ќе биде затворена поради изведуваат градежни работи за асфалтирање.

Од Градот апелираат до граѓаните да го почитуваат привремено воведениот сообраќаен режим на овој дел од улицата, да ја приспособат брзината на движење кон условите на патот и при своето движење да ги користат околните улици.