Приведен Шкрета Елхам, раководителот кој земаше мито на Блаце

Заменик министерот за внатрешни работи Назим Буши за ТВ21 потврди дека е уапсен началникот на смената Шкрета Елхам на преминот Блаце, кој со скриена камера е фатен како бара 20 евра за патниците кои влегуваат во Македонија.

„Внатрешната контрола веднаш по добивањето на веста го уапсила“, потврди заменик министерот.

Скандалот беше откриен откако бизнисмен, кој се занимава со превоз на патници, го осуди во емисијата „Стоп“ на ТВ Клан за притисокот што му се врши со барање мито за услуга која треба да биде бесплатна и која му следува. на граница.