Приведен криумчар на мигранти осуден на пет години и девет месеци затворска казна

Денеска (01.11.2022) во 07.00 часот на ул.„Дижонска“ во Скопје, полициски службеници од Оперативен тим потраги при СВР Скопје го лишиле од слобода С.С.(40) од Скопје.

Тој бил осуден на пет години и девет месеци казна затвор за сторено кривично дело „криумчарење на мигранти“ по член 418 од Кривичниот законик, а бил баран по централна потерница по наредба на Казнено-поправната установа Затвор Идризово за доиздржување три години и девет месеци.

Лицето ќе биде спроведено во установата за доиздржување на затворската казна.