Пристигнаа првите вакцини во Македонија
Во Македонија денеска пристигнаа првите вакцини против Ковид-19. Првата пратка е од производителот Фајзер, а обезбедени се од Република Србија. Примопредавањето беше извршено на граничниот премин Табановце, каде што присуствуваше делегација од Србија предводена од претседателот Александар Вучиќ, а беа пречекани од премиерот Зоран Заев.
"Драгоцен чин на пријателство и пријателски подадена рака од Србија". Вака шефот на македонската влада ја оцени соработката со нашиот северен сосед, при која се обезбедија четири илјади 680 вакцини од Фајзер.
Српскиот претседател Вучиќ, пак, нагласи дека сложените административни процедури ја одложиле пратката, а Србија има еден интерес со Македонија - продлабочување на пријателските односи.
Пристигнувањето на вакцините беше најавено за во четвртокот, но поради усогласување на техничката документација настанот беше одложен.
Покрај оваа пратка се очекува и испорака на 200 илјади дози вакцини од Кина, за кои е потпишан договор во понеделникот.
Интерес за вакцинирање преку веб сајтот вакцинација.мк до вчера имаа изразено над 40.000 граѓани.
Како што напомена министерот за здравство Венко Филипче на денешниот настан, вакцинацијата во Македонија ќе почне во среда.
Горан Симоновски
Ново на Сител
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка
-
Клисаровска: Дневната болница не е затворена, точно е дека пациенти на Онкологија чекаат со часови бидејќи немаме доволно персонал
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции
-
Михаил Гацов освојува злато за Италија и сонува да се бори за Македонија