Приштина го поздрави Законот за употреба на јазиците
Усвојувањето на Законот за употреба на јазиците од страна на Собранието на Македонија го поздрави и официјална Приштина.
Според шефот на косовската држава Хашим Тачи, тоа е „високо демократско постигнување за соседната земја, која меѓу првите ја призна независноста на Косово“.
- Унапредувањето на политичките права на Албанците во Македонија гарантира многу поголемо граѓанско и етничко единство во соседната Република. Им честитаме на албанските граѓани за ова политичко, административно и културно постигнување, напиша Тачи на својот Фејсбук профил.
Усвојувањето на Законот, додава, е значаен чекор од Охридскиот договор кој уште повеќе ги зајакнува соживотот и европската перспектива на Македонија.
И претседателот на косовскиот парламент Кадри Весели на Фејсбук му честиташе на македонскиот Парламент и на, како што напиша, „сите наши сонародници за изгласањето на законот за албански јазик“.
Тој оценува дека ова е многу значаен чекор во исполнувањето на легитимните права на албанскиот народ во Македонија и оти ќе прдонесе во зајакнувањето на демократјата, еднаквоста и етничката хамонија во Македонија.
- Изгласувањето на овој закон претставува големо постигнување во целосната реализација на обрските од Охрдскот договор и од стадрадите барани во рамки на европската интеграција, напиша Весели на Фејсбук.
Усвојувањето на Законот е ударна вест во сите косовски медиуми.
Ново на Сител
-
Дејвис куп: Македонија стартуваше со максимални 3:0 против Малта
-
Пониква станува рехабилитациски центар за повредените од трагедијата во Кочани
-
Маринците пристигнаа во Лос Анџелес, но сè уште немаат наредба да интервенираат
-
Бројот на жртвите од масакрот во Грац се искачи на 11
-
Црвениот тепих од Канскиот фестивал се продава по едно евро за килограм
-
Витаминот Д може да спречи 30.000 смртни случаи од рак годишно, покажуваат истражувања
-
Тежина, звук и дамка: Клуч за избор на совршена лубеница
-
ЈСП Скопје: Средношколците имаат право на бесплатен јавен превоз за време на летниот распуст