Прифатено обвинението за „Меѓународен сојуз“

Кривичниот суд го прифати обвинението за случајот со Меѓународниот сојуз на Бојан Јовановски – Боки 13. 

„Советот за оценка на обвинителен акт на Основниот кривичен суд Скопје кој постапува во оценка на обвинението со КОК ООА 1/20, на Обвинителството за гонење организиран криминал и корупција, против правното лице Меѓународен сојуз и 5 други физички лица за кривичните дела „Измама“ и „Перење пари и други приноси од казниво дело“, по одржана не јавна седница како и разгледување и ценење на фактите и доказите во актот, донесе решение со кое обвинителниот акт се одобрува во целост“, се вели во известувањето од судот.

По одобрениот обвинителен акт ќе биде оформен предмет кој согласно АКМИС – системот ќе биде распределен на понатамошно постапување кај судија од одделот за организиран кирминал по што ќе стартува судењето.

Во предметот обвинети се Бојан Јовановски, неговиот татко Миле Јовановски, пратеникот Фросина Ременски, Јасна Мандиќ и Христина Блажевска. Според обвинението, заедно измамиле неколкумина бизнисмени од кои зеле милион евра ветувајќи дека со парите ќе се градат старски домови.

Зоран Јаневски