Претседателот Пендаровски попладнево ќе прогласи вонредна состојба
Претседателот на државата, Стево Пендаровски реши да прогласи вонредна состојба, дознава „А1он“. Според информациите денеска во два часот попладне, преку обраќање на МРТВ кое веќе е закажано и за кое на МТВ веќе оди најавен телоп Пендаровски за воредната состојба јавно ќе соопшти со цел информирање на сите граѓани на нашата држава.
Вонредната состојба е последица на состојбата со коронавирусот, како и зголемувањето на бројот на заболени. Според Уставот, оваа состојба може да трае најмногу 30 дена.
Ова е единствен начин кој го нуди Уставот за ефикасно справување со коронавирусот, при што, заради општо добро, Уставот дал можност да се ограничат слободите и правата на граѓанинот, односно да можат ефикасно да се спроведат мерките на Владата кои ќе бидат задолжителни за сите, без право на отстапки и ќе важат на територијата на целата држава.
„Слободите и правата на човекот и граѓанинот можат да се ограничат само во случаи утврдени со Уставот. Слободите и правата на човекот и граѓанинот можат да бидат ограничени за време на воена или вонредна состојба според одредбите на Уставот“, се вели во Уставот.
Според највисокиот правен акт во нашата држава, во членот 125 пишува дека вонредната состојба може да се прогласи во случај на епидемии и непогоди.
Ако Собранието не може да се состане, одлука за постоење на вонредна состојба донесува претседателот на Републиката и му ја поднесува на Собранието на потврдување, штом тоа ќе е во можност да се состане.
Според толкувањето на правниците, оваа одлука станува на сила веднаш.
За прогласување на воредна состојба беше дискутирано и на вчерашната лидерска среба меѓу сите лидери на политички партии.
Претседателот на СДСМ, Зоран Заев, по вчерашната лидерска средба рече дека ја наметнал потребата да се прогласи вонредна состојба, а пак, претседателот на ВМРО-ДПМНЕ, Христијан Мицкоски, рече дека треба да се прогласи вонредна состојба, но да се раководи според законот за кризни состојби.
Ново на Сител
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања
-
Јавна расправа на Управниот суд за тужбата од Коалицијата „Вреди“
-
Тошковски - Давкова: Ќе градиме општество во кое основен принцип ќе биде владеење на правото
-
Мицкоски: Од Грција очекував честитки, а не политички мускули, повикувам на добрососедски и пријателски односи
-
РКЕ: Цените на бензините, дизелот и екстра лесното масло за домаќинство остануваат исти, се намалува само цената на мазутот