Претседателот Пендаровски го прими директорот на Канцеларијата на Светска банка, Мантованели
Претседателот на Република Северна Македонија, Стево Пендаровски денеска го прими Марко Мантованели, директор на Канцеларијата на Светска банка за Северна Македонија и Косово, во рамките на регионот на Европа и Централна Азија.
На средбата биле разменети мислења за севкупните економски состојби во Северна Македонија и билп изразено задоволство од воспоставениот партнерски однос со Светска банка, што во изминатите 26 години има значителен придонес во остварувањето на нашата реформска агенда во повеќе области.
Како што соопшти Кабинетот на претседателот, директорот на Канцеларијата на Светска банка, Мантованели, го информирал Пендаровски за тековните активности на групацијата, како и за целите и проектите што произлегуваат од новата четиригодишна рамка за партнерство со Северна Македонија, со која треба да се овозможи поддршка за побрз, сеопфатен и одржлив раст.
Претседателот Пендаровски ја нагласил исклучително важната улога на Светска банка во нашиот севкупен економски развој, притоа истакнал дека иако земјава бележи позитивен тренд, неопходен е натамошен максимален ангажман од сите домашни релевантни фактори во градењето и одржувањето на политичката стабилност и правната предвидливост, како клучни предуслови за просперитет на Северна Македонија.
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите