Претседателот Иванов ќе се обрати на 52. Минхенска безбедносна конференција
Претседателот на Република Македонија Ѓорге Иванов денеска ќе се обрати на панел - дискусијата „Кон натамошна евроатлантска интеграција на Југоисточна Европа“ во рамки на 52. Минхенска безбедносна конференција.
На панел-дискусијата ќе учествуваат и претседателите на Хрватска и на Словенија, Колинда Грабар Китаровиќ и Борут Пахор и премиерите на Црна Гора и на Косово Мило Ѓукановиќ и Иса Мустафа.
Предвидено е Иванов, кој четврти пат учествува на Минхенската безбедносна конференција, јави известувачот на МИА, да има повеќе средби со дел од учесниците на собирот, меѓу кои со врховниот командант на НАТО за Европа, генерал Филип Бридлав, со генералниот секретар на ОБСЕ Ламберто Заниер и со помошник државниот секретар на САД, Викторија Нуланд.
Вчера, на првиот ден од конференцијата, македонскиот претседател имаше средби со претседателот на Словенија Борут Пахор, со министерот за надворешни работи на Словачка, Мирослав Лајчак и со австрискиот министер за одбрана, Ханс Петер Досјоцил.
Претседателот Иванов на конференцијата е придружуван од македонскиот министер за надворешни работи, Никола Попоски.
Собирот, на кој присуствуваат околу 30 шефови на држави или влади и 70-тина министри за надворешни работи или одбрана, се оддржува под засилени безбедносни мерки во минхенскиот хотел „Баерише Хоф“.
Меѓу темите на овој најзначаен форум посветен на меѓународната безбедност се војната во Сирија, европскиот одговор на бегалската криза и иднината на безбедносниот поредок во Европа.
- Денешните војни и кризи се поопасни и потешки од сите оние со кои се соочивме по Втората светска војна. Поради тоа од исклучителна важност е влијателните политичари собрани во Минхен да разговараат и за идеите за прекин на војните и зајакнување на меѓународниот поредок, изјави претседавачот на конференцијата Волфганг Ишлингер.
Меѓу учесниците на Конференцијата се и јорданскиот крал Абдула Втори, претседателите на Полска и Украина, Анджеј Дуда и Петро Порошенко, премиерите на Русија, Франција и Ирак, Дмитриј Медведев, Мануел Валс и Хајдер Ал Абади, американскиот државен секретар Џон Кери и министрите за надворешни работи на Русија и Франција, Сергеј Лавров и Лорен Фабиус.
Минхенската безбедносна конференција претставува најугледен и најреномиран форум на глобално ниво, посветен на прашањата од безбедноста, промовирањето на мирното решавање на конфликтите, меѓународната соработка и дијалог во надминувањето на безбедносните предизвици на денешнината и иднината со особен фокус на трансатлантското партнерство.
Ново на Сител
-
Албанија ќе почне со производство на оружје и муниција
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции
-
Михаил Гацов освојува злато за Италија и сонува да се бори за Македонија
-
Директорката Иљази им забрани на вработените да даваат изјави за медиумите
-
Безживотно тело на маж извлечено од водите на Вардар во центарот на Скопје
-
Земјоделци од селата Иловица и Штука го блокираа патот заради ниските откупни цени на младиот компир
-
Намален бројот на превезени патници во патниот сообраќај во првиот квартал