Преглед на вестите од светот

68 лица загинаа во судирот меѓу два брзи воза на железничката линија што го поврзува Мадрид со јужниот шпански регион Андалузија во среда наутро во близина на Урда. Двата воза тргнаа од шпанската престолнина кон Севиља.

Вкупно 107 лица се хоспитализирани на лекување низ целиот регион, од кои 18 се во критична состојба, а спасувачките екипи работеа и во текот на ноќта. Операторот на шпанската железничка инфраструктура потврди дека несреќата предизвикала прекин на железничките услуги меѓу Мадрид и Андалузија.

Судирот се случи само девет месеци по уште една голема железничка несреќа во близина на Адамуз, во јужната покраина Кордоба, во која загинаа 46 лица. Ова е втората смртоносна железничка несреќа во Шпанија оваа година и најсмртоносната во Европа од 2013 година.

Шпанскиот министер за транспорт, Оскар Пуенте, рече дека несреќата се случила откако возот на Ренфе добил дозвола да продолжи со своето патување и покрај активниот црвен сигнал поради неподвижен воз пред него

Градските собранија низ Шпанија, вклучувајќи ги и оние во Мадрид и Севиља, одржаа минута молчење во средата во чест на жртвите.

Портпаролката на регионот Кастиља-Ла Манча, Естер Падиља, изјави дека 147 лица патувале со возот Ирјо, а 397 со возот Ренфе.

Партиите што се спротивставуваат на израелскиот премиер Бенјамин Нетанјаху обезбедија 67 места во 120-члениот Кнесет (парламент) по преброени 85,6 проценти од гласовите на изборите во вторник, според официјалните резултати од среда, ажурирани од Централната изборна комисија.

Нетанјаху освои 53 места, додека опозицијата обезбеди 67, вклучувајќи 48 за блокот на поранешниот воен командант Гади Ајзенкот и 19 за арапските партии.

Арапските партии повикаа на коалиција со блокот на Ајзенкот врз основа на невидено еврејско-арапско партнерство, но пред изборите, Ајзенкот постојано ја исклучуваше можноста за владеење со арапските партии или потпирање на нивната поддршка, додека Нетанјаху, исто така, го отфрли нивното учество во владата.

Изборите се први во Израел откако избувнаа борбите со Хамас на 7 октомври 2023 година.

Организаторите на маратонот во Њујорк го одржаа своето годишно церемонијално боење на „сината линија“ за да ја одбележат 50-годишнината од трасирањето низ петте општини во градот. Директор на трката рече дека церемонијалната линија прави повеќе од тоа само да ги води лидерите.

„Сината линија“ е нешто што ја симболизираше поврзаноста на петте општини. Таа дава насока на водечките спортисти и го поврзува градот како целина.

Повеќе од 60.000 тркачи ќе ги заземат своите места на стартната линија во недела (1 ноември), а маратонската патеката е долга 42 километри 195 метри или 26,2 милји и завршува Менхетн.