Прегазена жена во Скопје

Прегазена жена на скопските улици. Вчера  во 09.00 часот било пријавено дека на крстосницата од бул. „3-та Македонска Бригада“ и ул. „Венијамин Мачуковски“ се случила сообраќајна незгода во која патничко возило „Опел Вектра“ со скопски регистерски таблици, управувано од М.И.(55) од Скопје удрило во пешак С.Т.(67) од Скопје, а потоа во бетонска жардиниера. 

Од незгодата со тешки телесни повреди се здобила С.Т. која со возило на Брза помош била пренесена во Ургентниот центар-Скопје и била задржана на понатамошно лекување на Клиниката за Трауматотлогија.

На местото на настанот бил извршен увид од страна на увидна екипа од СВР-Скопје и се работи на целосно расчистување на случајот.