Пред нас се неколку години со екстремно високи температури - предупредија најголемите метеоролошки служби во светот
Треба да се подготвиме за неколку години голема жештина со рекордни температури што ја туркаат Земјата кон уште посмртоносни, непријатни екстреми, предупредија денеска двете најголеми метеоролошки агенции во светот во петгодишната прогноза.
Постои 80 проценти шанса светот да урне уште еден годишен рекорд за температура во следните пет години, а уште поголема е веројатноста светот повторно да ја урне границата од 1,5 степени што беше поставена пред една деценија како онаа што мора да се избегне, според прогнозата на Светската метеоролошка организација и Британската метеоролошка служба.
За првпат, постои шанса - иако мала - пред крајот на оваа деценија, глобалната температура да ја пробие границата на затоплување од 1,5 степени Целзиусови поставена со Парискиот договор за климата и да достигне многу поопасно ниво од 2 степени Целзиусови, објавија двете агенции.
Тоа ниво на затоплување е определено од температурата од средината на 19 век.
Постои 86 проценти веројатност дека во една од следните пет години ќе биде пробиено нивото на затоплување од 1,5 степени, како и 70 проценти веројатност дека следните пет години ќе бидат потопли од тоа ниво во просек, се додава во прогнозата.
Во изработката на прогнозата учествуваа 200 лица кои користеа компјутерски симулации во 10 глобални научни центри.
Ново на Сител
-
Двајца мртви и повеќе повредени во пукотници во Кентаки
-
Шекеринска за Хина: НАТО нема да отстапи од поддршката за Украина
-
Над 150 милиони евра од унгарскиот кредит префрлени кај бизнисот, во четврток состанок со општините за договорите од вториот повик
-
УХМР: Попладне утре наместа нестабилно, многу топло во среда и четврток, посвежо и ветровито в петок
-
1711 сообраќајни прекршоци изминатиов викенд, најмногу за брзо возење
-
Малолетник од Куманово затекнат при обид да запали кабли
-
Ирска: Започна ископување на масовна гробница со останки од 800 бебиња
-
Мицкоски: Не ветуваме чуда, туку градиме систем базиран на правда, а не на партиски книшки