Правилата за соседите на принцот Хари и Меган Маркл биле грешка
Бакингемската палата ја демантираше веста дека принцот Хари и неговата сопруга Меган Маркл објавиле листа правила наменети за нивните соседи, каде што, меѓу другото, е наведено и дека на нивниот мал син Арчи никој не смее да му се приближи.
Британски „Сан” во петокот објави дека луѓето кои живеат близу куќата на принцот, (вклучувајќи го и кралскиот куќен персонал) присуствувале на состанок на кој били информирани да не немаат допир со брачната двојка, да не ги допираат нивните кучиња, ниту пак, да бараат да го видат Арчи, како и да се нудат да го чуваат.
– Војводата и војвотката не барале такво нешто, не знаеле за тоа и немаат врска со содржината на упатствата, изјави претставник на Палатата за списанието „Хелоу“.
Во демантот се наведува и дека таквите барања произлегле „од некој претерано заштитнички настроен службеник на палатата”, без знаење на принцот и војвотката.
Ова не е прв ваков случај. По раѓањето на Арчи, јавноста ја критикуваше брачната двојка дека не излегле заедно со него пред фоторепортерите на вратите на болницата, како и поради тоа што не дозволиле медиумите да присуствуваат на крштевањето на бебето.
Претходно годинава, Меган и Хари се иселија од Кенсингтон палатата, каде што соседи им беа неговиот брат, принцот Вилијам и војвотката Кејт Мидлтон.
Ново на Сител
-
Италија и Германија наводно се заканиле со повлекување од „Евросонг“, ако Израел биде исфрлен од натпреварот
-
Пожар во Визбегово - гори отпад
-
Антонио Пандовски трча 600 км до Острог: За децата од Клиниката и свесност за попреченост
-
Во голема акција на Крајбрежната служба на Грција спасени околу 520 мигранти во близина на островот Гавдос
-
Македонски државјанин обвинет за тероризам во Швајцарија - организирал состаноци во неговиот стан
-
Вторa средба на Трамп и Нетанјаху за два дена, главна тема – прекин на огнот во Појасот Газа
-
Хеликоптер вклучен во гаснењето на пожарот кај Дојран, ер трактор над фабриката Самоков
-
Регистриран вкупно 31 пожар на отворен простор - Активни седум, два локализирани