Пожарот во канадска Алберта може да зафати површина три пати поголема од Торонто
Огромниот пожар, што го опустоши канадскиот нафтен град Форт Макмари, во провинцијата Алберта, може да се зголеми и до крајот на денот да зафати 2.000 квадратни километри, пренесе ДПА, цитирајќи го предупредувањето на канадските власти за телевизијата Си-Би-Ес њуз.
Оваа површина е три пати поголема од површината на Торонто.
Пламените јазици веќе уништија 156.000 хектари шума и до крајот на денот пожарот може двојно да ги зголеми своите размери. Променливите ветрови во реонот ја усложнуваат ситуацијата. Тие, меѓутоа, денеска стихијата ја насочија југоисточно од Форт Макмари, каде делови од градот и натаму тлеат.
Пожарот, што избувна на 1 мај, досега уништи над 1.600 згради и принуди 90.000 лица да се евакуираат од Форт Макмари. Над 1.200 пожарникари се борат со пламените јазици во провинцијата Алберта, помогнати од над 100 хеликоптери и повеќе од 20 авиони канадери.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО