Пожарот во Алберта се заканува да се прошири на двојно поголема територија
Канадските власти стравуваат дека големиот пожар што го зафати Форт Мекмари може да се прошири на двапати поголема територија до крајот на денот, а во меѓувреме продолжува евакуацијата на жителите од работничките кампови, северно од тој град во Алберта, познат по нафтениот песок.
Полицијата и армијата и денеска ќе го надгледуваат конвојот од стотици возила со илјадници раселени лица, а ќе продолжи и евакуацијата со авиони.
Еден ден откако 8.000 луѓе го напуштија градот во пламен, кој почна да се шири уште минатата недела, властите вчера објавија дека до крајот на вчерашниот ден се очекува евакуација на уште 5.500, а денеска треба да бидат евакуирани 4.000 лица.
Повеќе од 80.000 луѓе беа принудени да го напуштат Форт Мекмари, каде што огнот уништи 1.600 куќи и згради.
Владата на провинцијата Алберта, која прогласи вонредна состојба, објави вчера дека обемот на пожарот се зголемил на околу 1.000 квадратни километри, но засега нема пријавено мртви или повредени.
Шефот на службата за спречување пожари во Алберта Чед Морисон рече дека постои голема можност обемот на пожарот да се удвои до крајот на денешниот ден.
Тој изрази очекување пожарот да се прошири на оддалечените области под шума, североисточно од Форт Мекмари.
- Денеска се очекуваат екстремно суви услови, со температура од 27 Целзиусови степени, со силни ветрови, рече Морисон, додавајќи дека без оглед на тоа колку ресурси се користат, нема да биде доволно за пожарот да се изгасне, туку е потребен дожд.
Канадските метеоролозите предвидуваат 40 отсто шанси дека утре ќе има пообилни врнежи, а во недела и понеделник се очекуваат постудени услови.
Ново на Сител
-
Обид за кражба во простории на Општина Чаир каде се чувал изборен материјал
-
ДИК: Двојните избори утре ќе ги следат 1303 домашни и 860 странски набљудувачи, како и 83 странски новинари
-
Во општина Маврово-Ростуше гласаат 68 болни и изнемоштени лица
-
Малолетник прегазен во Велес, пренесен во скопските Клиники
-
Македонските државјани во Србија гласаат на вториот круг од претседателските избори во Македонската амбасада во Белгрaд
-
Лебот нема да поскапи следните два месеца, компаниите се жалат на проблеми со ликвидноста и со одлив на кадри
-
Поевтинуваат горивата, ова се новите цени
-
Граѓаните утре можат да пријавуваат повреда на избирачкото право на бесплатната телефонска линија 0800 54321