Повеќе од половина граѓани сметаат дека дијаспората треба да има право на глас
Над половина од граѓаните сметаат дека дијаспората треба да има право да гласа на избори, покажува најновото истражување на јавното мислење кое за потребите на Детектор го спроведе Институтот за политички истражувања Скопје. Според него, 52% од граѓаните сметаат дека дијаспората треба да има право на глас. 33,4% мислат дека иселениците не треба да гласаат во земјава додека 14,6% немаат одговор на ова прашање.
Младите до 29 години се тие кои во најголем број се изјасниле за тоа дека дијаспората треба да гласа. 57,5% од анкетираните кои се помлади од 29 години сметаат дека дијаспората треба да гласа. Најголем број противници правото на глас за дијаспората има меѓу граѓаните на возраст меѓу 40 и 49 години. 38,3% од граѓаните од оваа група сметаат дека дијаспората не треба да има право на глас.
Дури 68,4% од студентите сметаат дека дијаспората треба да гласа, додека 42,1% од вработените во приватниот сектор се против.
Етничките Албанци во поголемо мнозинство поддржуваат гласање на дијаспората. 66,4% од нив се за тоа иселениците да имаат право на глас, додека само 12,8% се против.
Кај етничките Македонци ситуацијата е малку поинаква, а граѓаните се далеку поподелени. 47,2% од анкетираните етнички Македонци даваат поддршка за гласање на дијаспората, додека 40,3% се против.
Анкетата на Институтот за политички истражувања Скопје е спроведена по нарачка на Детектор во периодот од 4 до 7 октомври врз репрезентативен примерок од 1106 испитаници.
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола