ОН: Повеќе од четири милиони луѓе во Либан може да останат без пристап до вода
– Обединетите нации (ОН) предупредија дека повеќе од четири милиони луѓе во Либан, вклучително и еден милион бегалци, се изложени на ризик да го изгубат пристапот до безбедна вода, бидејќи недостигот на средства, гориво и залихи влијаат на црпењето вода.
„УНИЦЕФ проценува дека повеќето пумпања на вода постепено ќе престанат низ целата земја во следните четири до шест недели“, соопшти ОН. Либан се бори со економски колапс што доведе повеќе од половина од населението во сиромаштија, а националната валута изгуби повеќе од 90 проценти од својата вредност за помалку од две години. Финансиската криза доведе и до сериозен недостиг на основни производи, како што се гориво и лекови.
УНИЦЕФ исто така процени дека во случај на колапс на јавниот систем за водоснабдување, цената на водата во Либан може да скокне за 200 проценти месечно, бидејќи водата би се обезбедувала од приватни добавувачи на вода. – Доколку не се преземе итна акција, болниците, училиштата и основните јавни установи нема да можат да функционираат, изјави портпаролката на УНИЦЕФ за Либан, Јуки Мокуо.
Ново на Сител
-
78-годишен тетовчанец тешко повреден во сообраќајка
-
Утре и задутре локални врнежи, во недела стабилно и потопло
-
Уапсен поранешен помошник министер, поранешен декан и професор на Геодетскиот факултет во Хрватска
-
Палевски тврди дека власта го држи во Турција поради изборите
-
Белградски енергетски форум на 13 и 14 мај во Белград
-
Изречени 130 санкции за брзо возење на територија на државата
-
157 санкционирани возачи под дејство на алкохол
-
Фон дер Лајен најави една милијарда евра помош од ЕУ за Либан