Поројни врнежи во текот на денов
Северозападниот дел од Македонија (полошкиот регион и Скопската котлина) утрово се зафатени од поголема влажна и нестабилна воздушна маса, која услови врнежи од дожд од пороен карактер проследени со ретки грмежи.
- Според радарските и сателитските слики, оваа маса се движи кон исток. Во Скопската котлина наскоро врнежите ќе ослабнат по интензитет меѓутоа по извесно време се очекува повторно поинтензивен дожд, повремено пороен со ретки грмежи. Набрзо врнежи од дожд ќе има и во југозападните делови од земјата, информира Управата за хидрометеоролошки работи.
Околу пладне ќе има престанок на врнежите скоро насекаде, а повторно ќе се интензивираат попладне и во вечерните часови, особено во источните и југоисточните делови.
Утринската температура ќе се движи од три до 11, а дневната од 17 до 22 степена. Во Скопје слично време, променливо облачно со повремен дожд и со слаб до умерен југоисточен ветер. Утринската температура ќе се спушти до осум, а дневната ќе се искачи до 19 степени.
Во текот на наредната недела ќе преовладува променливо облачно време со почести врнежи од дожд, но со послаб интензитет. Дневните температури благо ќе опаднат.
Ново на Сител
-
Роналдо одигра 1.200 натпревари и порача: „Сè уште не сме завршиле“
-
Почина актерот Рајан О'Нил
-
Бела куќа: Ако не ја поддржиме Украина, цената ќе биде уште поголема
-
Џафери иден технички премиер, а Јован Митрески собраниски спикер
-
ЦУК: Најбарана Итната медицинска помош со 51,02 отсто од реалните повици на 112
-
Топлотен бран во Австралија, температури над 40 степени
-
МВР: Нема обид за киднапирање во Карбинци, случајот е расчистен
-
Неколку загинати по пожар во болница во близина на Рим, 200 евакуирани