Порази за крај на македонските шахисти на Олимпијадата во Баку

На мечевите од последното коло на 42.та Шаховска Олимпијада во Баку македонските репрезентации (мажи и жени) претрпеа порази. Во 11.коло мажите загубија од Босна и Херцеговина со 2,5:1,5, додека жените се поразени максимално од Азербејџан 3 со 4:0.

Кај мажите реми одиграа Трјко Недев, Александар Чоловиќ и Никола Николовски, додека единствено загуби Филип Панчевски на „втората табла“.

За женската селекција денеска настапија и порази претрпеа: Моника Стојковска, Бојана Бејатовиќ, Драгана Николовска и Ивана Манова.

Машката репрезентација на Македонија (со 5 победи, 2 реми и 4 порази) го освои 68.место во конкуренција на 150 селекции, додека женската репрезентација (со 5 победи 1 реми и 5 порази) се пласираше на 67.место во конкуренција на 140 селекции.

Олимписката титула кај мажите им припадна на Американците, а кај жените најуспешна беше селекцијата на Кина.