Поранешниот премиер на Чад осуден на 20 години затвор за поттикнување насилство

Поранешниот премиер на Чад и лидер на опозицијата, Сукса Масра е осуден на 20 години затвор откако беше прогласен за виновен за ширење расистички и ксенофобични пораки, поттикнување насилство и бунт, како и за соучество во убиство, изјави неговиот адвокат.

Масра е ривал на претседателот Махамат Идрис Деби, но и покрај тоа, тој беше премиер во привремената влада на Деби околу пет месеци пред да се кандидира на изборите во мај 2024 година.

Обвинителството на Чад отвори истрага против него во мај во врска со судирот во кој загинаа десетици луѓе во јужниот град Мандакао претходно овој месец.

Покрај 20-годишната казна, на Масра му беше наредено да плати казна од милијарда чадски франци (1,8 милиони долари). Тој додаде дека одбраната планира да поднесе жалба на пресудата.

МИА