Поради гласно ждригање заработил казна од 70 евра
Дека гласното ждригање на јавно место се казнува во Австрија, се увери еден виенски угостител, кој поради тоа заработи казна во износ од 70 евра.
Тој на својот Фејсбук профил се пожалил дека бил казнет затоа што гласно ждригал на станицата Пратерштерн, а на негова несреќа во близина се наоѓал полицаец кој го слушнал и оценил дека се работи за прекршување на Параграфот 1 од безбедносниот закон на покраината Виена.
- Вие на 7 февруари во 17:15 часот во вториот виенски округ Пратершерн го прекршивте Законот, односно јавниот ред, со гласно ждригање во близина на полицаец, се наведува во образложението на одлуката за казна што ја добил на домашна адреса.
Во продолжение на објавата на Фејсбук во кој се обидел да се оправда, Виенчанецот пишува дека јадел ќебапи со кромид и потоа „изгубил контрола“ над себе и ждригнал.
Според него, на 20 метри од „местото на злосторството“ тој почувствувал рака на неговото рамо, а кога се свртел видел полицаец кој му соопшти дека ќе поднесе пријава против него поради крешење на јавниот ред.
Тој прво мислел дека полицаецот се шегува и преку социјалните мрежи и порачал на полицијата: „Ви благодарам што се грижите нашиот крај да биде безбеден“. Но, кога ја добил казната заклучил дека „ѓаволот ја однел шегата“.
Ново на Сител
-
Поднесени 18 приговори до ДИК, роковите течат
-
Течат роковите за приговори
-
Тема на денот со Васко Наумовски
-
Полицијата го пронајде виновникот за пожарот на мостот „Беласица“: 37-годишникот е веќе во затвор
-
Се гради помалку, но 5 пати поскапо од лани
-
Течат роковите за приговори
-
Почнуваат преговорите, три до четири министерства за ВРЕДИ во новата Влада
-
Грција во исчекување на позициите на ВМРО-ДПМНЕ за Преспанскиот договор