Помпео: САД нема да го попречуваат доставувањето хуманитарна помош за Иран
Американскиот државен секретар Мајк Помпео денеска во Берлин изјави дека САД нема да застанат на патот на системот на ЕУ за заштита од американски санкции на европските компании што соработуваат со Иран, се додека таа соработка се однесува на достава на хуманитарна помош и трговија со стоки што не се опфатени со режимот на санкции воведени од Вашингтон.
– Во голема мерка сме јасни во врска со трговијата со Иран. Има стоки што се под санкции, но има и такви што не се, изјави Помпео по средбата со германскиот министер за надворешни работи Хајко Мас.
Помпео, кој престојува во прва посета на Германија во својство на американски државен секретар, додаде дека за САД нема да биде проблематично се додека системот за заштита на ЕУ има за цел да овозможи трговија со стоки што не се опфатени со американските санкции.
Вашингтон минатата година се повлече од Договорот за иранската нуклеарна програма, што во 2015 година го склучија Иран и петте постојани земји членки на Советот за безбедност на ОН (Велика Британија, Кина, Русија, САД и Франција) плус Германија. Со Договорот Иран се обврза за укинување на некои аспекти на неговата нуклеарна програма, во замена за делумно олеснување на меѓународните санкции.
По повлекувањето од Договорот, САД ги возобновија санкциите кон Иран, но се заканија и со казнени мерки против земјите и компаниите што нема да ги почитуваат. За да ги заштити европските компании што соработуваат со Иран, ЕУ најави воспоставување систем за стокова размена со цел фирмите да избегнат директни финансиски трансакции со Техеран и евентуални американски санкции.
Системот се уште не профункционирал, но Брисел е оптимист дека тоа ќе се случи во текот на претстојново лето.
Инаку, Германија е првата етапа од европската турнеја на Помпео, во чии рамки тој ќе ги посети и Швајцарија, Холандија и Велика Британија.
Ново на Сител
-
Апасиев: Очекуваме двоцифрен број на пратеници
-
Таравари: Ни треба нов Устав на две заедници
-
Ахмети: Уште поголема победа
-
Ковачевски: Масовна излезност на 8 мај
-
Мицкоски: СДСМ спрема црни сценарија
-
Тема на денот со Неда Малеска Сачмароска
-
Тинекс отвора уште неколку нови маркети, денеска отворен маркетот во О. Илинден
-
Во понеделник се враќа старата цена за осигурување на возилата