Полска сака да ја предводи групата за обнова на ЕУ
Полскиот министер за надворешни работи, Витолд Вашчиковски, денеска во Варшава изјави дека неговата влада има желба да ја предводи групата земји во рамки на ЕУ, чија цел ќе биде обнова на Унијата по британскиот референдум, пренесоа американските медиуми.
Вашчиковски денеска зборуваше по двете одделни средби со други свои колеги, првата во Прага, а втората во Варшава. Во чешката престолнина тој се сретна со првите дипломати на Чешка, Словачка, Унгарија, Германија и Франција. Неколку часа подоцна во Варшава се собраа и министрите за надворешни работи на девет земји членки на ЕУ од Централна и Источна Европа, а кон нив се приклучи и британскиот министер за европски прашања Дејвид Лидингтон.
Вашчиковски посочи дека полските напори се во спротивност со средбите по британскиот референдум, посветени на иднината, кои ги вклучуваа само западноевропски земји основачки на ЕУ.
Според него, полскиот премиер Беата Шидло може своите колеги од ЕУ, утре во Брисел, да ги запознае со идеите на Варшава, и притоа нив ги определи како „радикални“.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје