Полицијата во Хонг Конг употреби солзавец врз демонстрантите
Полицијата во Хонг Конг употреби солзавец врз демонстрантите пред Полициската станица во Западниот округ на градот, доцна попладнево. Во новиот протестен марш илјадници демонстранти го изразуваат своето незадоволство од контроверзниот закон за екстрадиција и особено полициската бруталност врз нив во изминатите недели, јави ДПА.
Полицијата за борба вината ја префрли на демонстрантите кои ја запоседнаа Конеу Роад, главната улица во непосредна близина на полициската станица. Тоа беше само еден од неколкуте фронтови во денешниот масовен протест што се орагнизира без одобрение од полицијата.
Демонстрантите се бранеа со големи чадори и носеа маски за лице и очила, што им се доставуваат на организиран начин за да се избегне вдишувањето чад од солзавецот.
Насекаде низ градот, илјадници демонстранти направија барикади за да ги блокираат улиците во популарната шопинг област, додека илјадници други окупираа парк во централната бизнис-област, пренесе ДПА.
Ново на Сител
-
Поднесени 18 приговори до ДИК, роковите течат
-
Течат роковите за приговори
-
Тема на денот со Васко Наумовски
-
Полицијата го пронајде виновникот за пожарот на мостот „Беласица“: 37-годишникот е веќе во затвор
-
Се гради помалку, но 5 пати поскапо од лани
-
Течат роковите за приговори
-
Почнуваат преговорите, три до четири министерства за ВРЕДИ во новата Влада
-
Грција во исчекување на позициите на ВМРО-ДПМНЕ за Преспанскиот договор