Полицијата трага по убиецот од Диво насеље

Полицијата сеуште трага по 35-годишниот Беќир Н. од Витина Косово, со привремен престој во Швајцарија, кој вчера го уби таткото и го рани братот на неговата поранешна сопруга во кумановската населба Тоде Мендол. Откако ја извршил крвавата пресметка осомничениот побегнал од местото на настанот и се претпоставува дека пребегал во Косово.

Според роднини на семејството повредениот Аднан. Н. вчера е оперериран на една од скопските клиники и неговата здравствена состојба се уште е критична, додека неговиот татко Риза денеска е погребан на муслиманските гробишта во Куманово.

На крвавата пресметка во населбата Тоде Мендол и предходела расправија во дворот на убиениот, откако поранешниот зет дошол да го одведе неговиот седумгодишен син. На тоа се спротивставило семејството, по што зетот извадил пиштол и почнал да пука кон нив. При тоа смртно го ранил дедото а го повредил шурата. На местото на убиството увид извршија полициско-судски екипи и се работи на утврдување на мотивите за убиството и пронаоѓање на сторителот.

Драган Ивановски