Полицијата има осомничен за убиството во Струга

Едно лице е приведено поради постоење основано сомнение за можна поврзаност со денешното убиство во Струга, информира попладнево портпаролот на СВР Охрид Стефан Димоски. 

Димоски не откри повеќе детали во врска со случајот, но посочи дека СВР Охрид ќе изврши разговори и ќе продолжи со преземање мерки за негово расчистување.

Околу 13.15 часот на улицата „Маркс и Енгелс“ во Струга од возило во движење, марка „Голф“, било пукано врз жител на Струга, роден 1973 година. 

Тој бил префрлен во Струшката болница каде им подлегнал на повредите.

- Во 13 часот и 15 минути во хирушкото одделение го донеле лицето Аргетим Асани со прострелни рани во градите и вратот. Во моментот на приемот контстатирана е неговата смрт. За жал не можевме да дадеме никаква помош, изјави Речи Илми, хирург во струшката болница. 

Дел од медиумите претходно објавија дека застреланиот е Аргетим Асани, заменик директор на УЈП, член на Управниот одбор на ФФМ и член на ДУИ. Партијата во меѓувреме демантираше дека тој е нивни член.