Подготвен пунктот за документи

Новиот пункт на Министерството за внатрешни работи (МВР) каде што граѓаните ќе може да бидат фотографирани за вадење лични документи е подготвен и наскоро се очекува да биде отворен, информираат од МВР не прецизирајќи го датумот кога тој ќе почне да работи.

Пунктот, според информациите од МВР, се наоѓа во салата на полициската станица „Пролет”. Во објектот се поставени 20 паравани каде што ќе се врши фотографирање за лични документи.

„Деновиве системот ќе биде тестиран, а јавноста навремено ќе биде известена за отпочнување на процесот со кој им овозможуваме на граѓаните во определениот законски рок, 12 февруари 2024, да ја поминат задолжителната процедура“, велат од МВР.

Обврската за промена на личните документи со новото уставно име произлезе од Преспанскиот договор, кој стапи во сила во февруари 2019 година. Според член 1 точка 10, личните документи треба да се променат во рок од пет години по стапувањето во сила на договорот – односно до февруари 2024 година.

Редовните служби за закажување и фотографирање не можеа да постигнат поради огромниот број барања за термини.