Под засилени безбедносни мерки и само со покани утрешниот ракометен натпревар меѓу Грција и Македонија
Само со покани и акредитации ќе биде дозволен влез во спортската сала во Кожани, за безбедно одржување на утрешниот ракометен натпревар меѓу репрезентациите на Грција и Македонија во квалификациите за Европското првенство 2020, а полицијата ќе преземе засилени безбедносни мерки за заштита на екипите, судиите и публиката, но и за да се избегнат било какви инциденти.
Како што јави дописничката на МИА од Атина, во грчкиот град Кожани каде што во недела во 16 часот ќе се одигра натпреварот, грчката полиција вчера одржа два состаноци. На вториот беше донесена одлуката, наместо влезници, да се поделат покани, иако од грчката ракометна федерација во четвртокот соопштија дека влезниците во попладневните часови истиот ден ќе бидат пуштени во продажба, по цена од 10 евра и 20 евра (ВИП).
На состанокот, исто така било одлучено и какви мерки ќе преземе полицијата – зголемени безбедносни и сообраќајни мерки пред, за време и по натпреварот, нема да бидат достапни билети, на сите покани ќе биде запишан број на лична карта и име и презиме, додека влезот ќе биде забранет за оние без покани или акредитации.
Претходно бил одржан и друг состанок во зградата на полициската станица на кој присуствувале претставници од грчката ракометна федерација и од општина Кожани во чија надлежност е и спортската сала.
За денеска напладне, во 12.30 часот по локално време закажана е прес конференција на двете репрезентации.
Ново на Сител
-
Незадоволство во Бугарија по усвојувањето на извештајот за Македонија во ЕП
-
Како во едно големо семејство се одвива рехабилитацијата на повредените на Пониква
-
Тема на денот со Васко Наумовски, поранешен вицепремиер за евроинтеграции
-
Вработените во јавниот сектор ќе примаат подароци до 50 евра, без да се сметаат за мито
-
Незадоволство во Бугарија по усвојувањето на извештајот за Македонија во ЕП
-
Трамп - И Израел и Иран не го почитуваат примирјето
-
Мајка и три деца попладнево со авион ќе бидат евакуирани од Тел Авив во Атина
-
Почна дводневниот самит на НАТО