Почнува првиот „Киненова Филм Фест Скопје“
Со проекцијата на бугарскиот филм „Слава“ од 2016 година, во режија на Петар Валчанов и Кристина Грозева, вечер во кино Култура почнува првиот Меѓународен филмски фестивал „Киненова Филм Фест Скопје“, во чиј фокус е творештвото на филмски автори од целиот свет, кои се на почетокот на кариерата.
Фестивалот ќе се одржува до 9 октомври годинава во Скопје на две локации, во кино Култура и Кинотека на Македонија.
Идејата за формирање на „Киненова 2016“ доаѓа од режисерот, сценарист и продуцент Небојша Јовановиќ, кој е и директор на фестивалот. Целта на фестивалот е да открие нови авторски имиња кои надоаѓаат во светот на филмот и да им даде јасна поддршка и поттик, но и простор каде тие ќе ги претставуваат и афирмираат нивните филмски дебитантски дела.
На „Киненова Филм Фест Скопје“ има две натпреварувачки програми: главна програма (официјална селекција) и официјална селекција на кратки филмови. Во главната програма на фестивалот, освен „Слава“ ќе бидат прикажани и филмовите „Длабочини 2“, „Фаќање“, „Прекин“, „Два лоза“, „Бафало“, „Џонатан“... Во ревијалниот дел на фестивалот се предвидени Панорама на светски филм, Балкански преглед и Прв и последен филм на истакнат филмски автор, каде ќе бидат прикажани филмови од Корнелиу Порумбоју од Романија.
На фестивалот ќе бидат доделени неколку награди-награда за најдобар долгометражен филм, за најдобра режија, за најдобро сценарио. За нив ќе одлучи стручно жири составено од Разван Радулеску, Мира Фурлан, Галина Тонева, Мето Јовановски и Марио Мацарото. Тие ќе доделат и награда за најдобар краткометражен филм.
Публиката ќе додели награда за најдобар филм според публиката на фестивалот од Главната програма.
Во рамки на фестивалот ќе се одржат филмска работилница и мастер клас.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња