Почнува конференцијата на „Економист“ во Атина, Битиќи и Заев меѓу учесниците
Заменик-претседателот на Владата задолжен за економски прашања, координација со економските ресори и инвестиции Фатмир Битиќи и поранешниот премиер Зоран Заев, според официјалната агенда, ќе бидат дел од конференцијата на „Економист“, односно 26-та тркалезна маса со грчката Влада, јави дописничката на МИА од Атина.
Тридневната конференција што традиционално секоја година се одржува во Атина започнува утрово со обраќања на претседателката на Грција Катерина Сакеларопулу, претседателот на Украина Володимир Зеленски и претседателката на Молдавија Маја Санду.
Поранешниот премиер на Северна Македонија Зоран Заев, заедно со премиерите на Црна Гора и Косово Дритан Абазовиќ и Албин Курти, како и специјалниот претставник на Велика Британија за Западен Балкан Сер Стјуарт Пич и поранешниот шеф на грчката дипломатија Јоргос Катругалос, денеска ќе дискутираат за Југоисточна Европа и дали може да постои стабилност и просперитет во регионот.
Енергетиката ќе биде главната тема на дискусијата насловена „Декарбонизирање на Југоисточна Европа и Источниот Медитеран“, на која утре, според официјалната агенда, ќе учествува заменик-претседателот на Владата на Северна Македонија, задолжен за економски прашања, координација со економските ресори и инвестиции Фатмир Битиќи.
Заедно со Битиќи ќе биде и министерот за животна средина и енергетика на Грција Костас Скрекас, како и бизнис лидери.
На годишната конференција на Економист, што започнува утрово и ќе трае до четврток, ќе учествуваат министри, поранешни премиери и претседатели, академци, како и претставници на бизнис заедницата.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево