Почна вториот конкурсен рок на Новиот културен бран
Министерството за култура соопшти дека почна вториот конкурсен рок за доставување на апликации за организирање на културно - уметнички настани во рамки на манифестацијата „Нов културен бран“, кој ќе трае до исцрпување на буџетот на манифестацијата.
Конкурсната комисија, која беше формирана минатата недела, стои во соопштението, веќе разгледува над 200 апликации, кои пристигнаа на првиот конкурсен рок, распишан на 31 јули 2017.
Првите проекти избрани за финансирање ќе бидат соопштени пред јавноста на прес - конференција во текот на идната недела.
Од Министерството изразуваат благодарност до Проектот за граѓанско учество на УСАИД и Фондацијата Фридрих Еберт, кои се одѕваа на повикот за поддршка на Новиот културен бран што го упатиле до меѓународните организации и организациите од Македонија како и до бизнис заедницата. Од Министерството посочуваат дека идната недела ќе ги претстават аспектите на нивната соработка, како и партнерите од бизнис заедницата и сите други кои ќе се приклучат со поддршка за Новиот културен бран.
Манифестацијата „Нов културен бран“, како што се истакнува, има цел да обезбеди деметрополизација, деконцентрација на културата, да ја збогати, омасови, интензивира, динамизира и раздвижи културната понуда.
Детали за целите и приоритетите на Новиот културен бран, како и конкурсната документација, може да се најдат на линкот на веб страницата на Министерството, во рубриката „конкурси“: http://kultura.gov.mk/index.
Ново на Сител
-
Масовен протест за 1 Мај: Синдикатите побараа 450 евра минимална плата од новата влада
-
Работниците креваат глас
-
Првомајската традиција продолжува
-
Охрид полн со туристи за 1 Мај
-
Експерти: Екстрадицијата на Палевски треба да се прави во најголема тајност
-
Студен туш за барањата на Максим Димитриевски - за него пак, ароганцијата на СДСМ е ненадминлива
-
Каде ќе завршат гласовите за Османи и Таравари во вториот круг - одлука ќе се носи во следните денови
-
Парламентарни избори