Почина поранешниот ирачки претседател Џалал Талабани

Лидерот на ирачките Курди и поранешен претседател на Ирак, Џалал Талабани, почина денеска во болница во Германија, јави државната ирачка телевизија. 

Тој во последните години неколку пати беше хоспитализиран откако во 2012 година преживеа мозочен удар.

Талабани, беше долгогодишен лидер на борбата на Курдите за самоопределување, а до 2014 година беше претседател на Ирак. 

Исто така, тој беше и основач на партијата Патриотска унија на Курдистан. 

Тој е роден во 1933 година во близина на Ербил. 

Во 2005 година, две години по американската инвазија, што доведе до смена од власта на ирачкиот лидер Садам Хусеин, Талабани стана седмиот претседател на Ирак, како и првиот Курд на таа функција.