-->
-->
Почина доајенката на македонскиот балет Натка Пенушлиска-Митровска
-->
Доајенката на македонскиот балет, примабалерината Натка Пенушлиска-Митровска, почина на 88 години, објави Националната опера и балет.
Родена во Скопје на 24 април 1934, Пенушлиска-Митровска се здобила со балетското образование во Средното балетско училиште во Скопје и кај познатите педагози Јегорова и Преображенскаја во Париз (1953-1954). Модерен балет учела во Цирих и Каштел Камбеловец.
Членка на Балетот при МНТ беше од 1949 до 1972. Балетската кариера ја почнала на 14-годишна возраст, играјќи ја главната улога на Марија во „Бахчисарајска фонтана“ од Асафјев, првиот целовечерен балет поставен на сцената на МНТ. Ги играше сите главни улоги од програмата на балетскиот ансамбл, станувајќи синоним за балетската уметност во Македонија. На Југословенското балетско биенале во Љубљана во 1960 беше прогласена за најдобра класична балерина.
Меѓу нејзините улоги се истакнуваат Сванилда во „Копелија“, Аурора во „Заспаната убавица“, Ела во „Ѓавол на село“, Одилија во „Лебедово езеро“, Жизел во „Жизел“ и Јулија во „Ромео и Јулија“.
-->
-->
-->
Ново на Сител
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија
-
Утре посебен режим на сообраќај во Скопје поради Денот на полицијата
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци
-
Приведено лице од Долни Дисан поради бегство од затворот во Куманово