Почина Ахмет Чалик - се превртел со возилото дур ги завршувал последните подготовки за својата свадба

Турските медиуми јавија дека поранешниот турски репрезентативец, Ахмет Чалик настрадал во несреќа што се случила на автопат во близина на Анкара, каде фудбалерот требало да ги заврши последните подготовки за својата свадба. Лекарските екипи констатирале смрт на лице место.

Чалик кариерата ја почна во Генчербирлиги (2011-2017), по што три сезони настапуваше за Галатасарај, а од 2020 година е член на Коњаспор. Тој беше член на сите младински турски селекции, а за сениорскиот тим настапуваше од 2015 до 2017 година со осум одиграни средби и еден постигнат гол.