Победи на Рома и Наполи, на потег е Јувентус

Фудбалерите на Рома и Наполи забележаа победи во дуелите против Киево и Фиорентина, со што го одржаа притисокот над Јувентус во трката за шампионскиот трофеј во Серија А. 

 

Во првите две средби од претпоследното 37.коло, Наполи пред својата публика убедливо со 4-1 ја победи Фиорентина, додека триумф од 5-3 на гости кај Киево забележа Рома. 

 

Сега потворно Рома е на бод помалку од првопласираниот Јувентус, додека Наполи има два помалку. Но, попладнево фудбалерите на Јувентус кои ја имаат улогата на апсолутен фаворит во дуелот проти Кротоне со триумф на коло пред крајот ќе го осигураат шампионскиот трофеј. 

 

Средбата Јувентус – Кротоне ќе се игра попладнево во терминот од 15 часот, кога ќе започнат и натпреварите: Милан – Болоња, Удинезе – Сампдорија, Сасуоло – Каљари, Џенова – Торино и Емполи – Аталанта, додека дуелот меѓу Лацио – Интер ќе се игра од 20.45 часот. 

 

Колото ќе биде комплетирано утревечер со средбата Пескара – Палермо. 

 

Табела: Јувентус 85 бода, Рома 84, Наполи 83, Лацио 70, Аталанта 66, Милан 60,... Џенова 33, Емполи 32, Кротоне 31, Палермо 23 и Пескара 14.