Победа за Русевски и Магдинчев во Скопје

Македонската комбинација Лазар Магдинчев и Предраг Русевски по голема борба се пласираа во следното коло на фјучрсот во двојки што се игра во Скопје. Тие вчера ги победија Петар Цонкиќ и Кристијан Хиршмилер со 6:4; 6:7 (4:7) и 10:6 на поени и во следното коло ќе играат против Томислав Јотовски и Александар Лазов од Бугарија.

 

Македонските тенисери и вчера немаа успех во сингл мечевите. Јотовски загуби од првиот носител Данило Петровиќ од Србија со 6:3 и 7:5 во гемови, а Бесир Дургути беше поразен од Кристијан Месарош (Хрватска) со 6:2 и 6:1. Настапот го заврши и Горазд Србљак, кој загуби од Саси Кумар Мукунд (Индија) со 6:4 и 6:1 во гемови.

 

Нашите тенисери беа поразени и во конкуренција на двојки. Шендрит Деари и Србљак загубија со 6:4 во двата сета од Дарко Јандриќ и Либор Салаба, додека Стефан Мицов и Нермин Фатиќ загубија од Лени Хампел и Данило Калиниченко со 6.4 и 6:3.

 

Денеска на терените на „Тенис парк“ во склоп на СЦ „Јане Сандански“ се играат мечевите од 2.коло во поединечна конкуренција и четвртфиналето во игра на двојки.