Петровска: Инклузивно и транспарентно го зацврстуваме одбранбениот систем согласно стандардите на НАТО
Денеска во Домот на Армијата, министерката за одбрана Славјанка Петровска присуствуваше и се обрати на јавната дебата за новото законско решение за вработените во Министерството за одбрана, кое има за цел да донесе значајни позитивни промени во одбраната и да создаде основа за унапредување на работните процеси, подобра и поефикасна соработка помеѓу цивилниот и воениот персонал, да ја зголеми ефикасноста во одговор на идните безбедносни предизвици и да го унапреди националниот безбедносен систем.
„Ја заокружуваме годината со уште една јавна дебата, која е одраз на посветеноста на Министерството за одбрана кон подобрување на условите за работа на вработените, унапредување на работните процеси и пред сè јакнење на одбраната и безбедноста на државата“, рече министерката и додаде дека текстот на предлог – законското решение произлегува од новите обврски со членството во НАТО.
Министерството се здоби со нови задачи и обврски, потенцираше министерката, за кои е потребна соодветна персонална структура и капацитети.
„Новиот систем на менаџирање со персоналот, кој е составен дел од Предлог Законот, ќе овозможи персоналот во континуитет да гради капацитети за придонес во исполнувањето на трите клучни задачи на Алијансата – одвраќање и одбрана, превенција и менаџирање на кризи и кооперативна безбедност. Треба да градиме персонал кој ќе дава придонес не само во националниот безбедносен систем, туку ќе биде подготвен да работи во структурата на Алијансата, воена и цивилна. Вработените во Министерството за одбрана треба да ги подготвуваме и за учество во операциите и мисиите предводени од НАТО, посебно во операции за стабилизација и реконструкција во пост-конфликтни региони и земји“, рече министерката.
Деталите на законското решение беа образложени и од професорот Марјан Ѓуровски, претседател на комитетот МКД НАТО 2030, како и членовите на работната група во Министерството. Во изработката на законското решение беа вклучени национални и меѓународни експерти, невладиниот сектор, академската заедница и синдикатите во одбраната и Армијата.
Ново на Сител
-
ВМРО-ДПМНЕ на седници на Извршниот и Централниот комитет ги утврдува предлозите за министри од својата партија
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата
-
Никако да се стави крај на нелојалната конкуренција
-
Стандардот, лошото здравство и образование и партизација, основни причини за иселувањето
-
Тема на денот со Елмедин Конаковиќ, Министер за надворешни работи на БиХ