Петре Шилегов: Зошто Арсовска се срами да каже дека е од ВМРО-ДПМНЕ?

Градоначалникот на Град Скопје, Петре Шилегов на денешна прес-конференција говореше за неговите противкандидати за претстојните локални избори во октомври.

Тој ја искористи таа прилика да упати критики кон ВМРО-ДПМНЕ, партија која долго време имаше свои градоначалници во главниот град.

- Жал ми е што ВМРО-ДПМНЕ ги потценува скопјани. Тие креираа девијации и свесни се дека не можат да излезат пред граѓаните со личен кандидат. Зошто Арсовска се срами да каже дека е од ВМРО-ДПМНЕ? Таквата злоупотреба на независните кандидати може да го девастира општеството, истакна Шилегов.