Петнаесет години од загинувањето на македонските бранители кај Карпалак
Со положување цвеќе пред спомен-плочата во месноста Карпалак и во комплексот „Карпалак“ во Прилеп денеска ќе се одбележат 15 години од загинувањето на 10 –те бранители на Карпалак во 2001 година.
Венци со цвеќе ќе положат делегација на Владата предводена од министерот за одбрана на Република Македонија, Зоран Јолевски и делегација од Министерството за одбрана и Армијата на Република Македонија.
На 8 август 2001 година на патот Скопје - Тетово во близина на селото Групчин кај месноста Карпалак од заседа беше нападнат конвој на Армијата на Република Македонија, при што загинаа десет армиски припадници: Нане Наумоски (48), резервен капетан, Сашо Китановски (40), резервен поручник, Горан Миновски (29), воен обврзник, Ердоган Шабановски (21), воен обврзник, Љубе Грујоски (32), воен обврзник, Бранко Секулоски (43), воен обврзник, Дарко Велјановски (27), воен обврзник, Пеце Секуловски (31), воен обврзник, Веби Рушитовски (26), воен обврзник и Мирко Деспотовски (27), воен обврзник, сите од Прилеп и Прилепско.
Почит на загинатите со положување цвеќе на загинатите вчера беше оддадена во прилепската касарна.
- Токму од ова место на 8 август 2001, дел од нашата единица се упати на задача кон Тетово, но за жал, кај Карпалак беа пресретнати од група терористи и нападнати. Поголемиот дел од колоната се извлече, но десетмина загинаа, рече мајор Славчо Кузмановски.
Беше посетен и споменикот на загинатите бранители во селото Лениште, а во манастирот „Света Петка“ се одржа вечерна литургија.скс/са/08:52
Ново на Сител
-
Политико: Колапс на напорите да се задржи ултрадесницата надвор од власт во ЕУ
-
Косовската опозиција со резолуција бара оставка на Курти и распуштање на Собранието
-
Сиљановска Давкова: Кирил го вградил не само својот живот, туку и нашиот во Европа и тоа мора да го почитуваме
-
Санкционирани 106 возачи на територијата на Скопје
-
Кацарска на 19. Конгрес на Конференција на европски уставни судови во Молдавија
-
Километарски колони на Богородица - се чека и по еден час
-
Првата група украински пилоти ја завршија обуката во САД за управување со Ф-16
-
Елмедин Конаковиќ најави протестни ноти до земјите што беа против резолуцијата за Сребреница