Пет индонезиски аеродроми затворени поради ерупција на вулканот Раунг

Индонезиските власти денеска затворија пет аеродроми, вклучително и оние на популарните туристички острови Бали и Ломбок, поради повеќедневната ерупција на вулканот Раунг во Источна Јава.

- Во моментот не можам да кажам колку патници се погодени од затворањето на аеродромите, изјави Фарид Индра Нуграха, портпарол на авиооператорот „Ангкаса Пура 1“.

Националниот авиопревозник „Гаруда Индонезија“ ги откажа сите летови.

Поради вулканот Раунг откажани се и низа летови до и од Австралија.