Песочна бура предизвика верижен судир во Србија | ВИДЕО

Најмалку седум лица се повредени при верижен судир што денеска околу 15 часот се случил на автопатот Суботица – Бачка Топола во соседна Србија.

При судирот учествувале 14 возила. Српските медиуми објавија дека нема информации за жртви.

Се претпоставува дека до судирот дошло како резултат на песочна бура предизвикана од силни ветрови и намалена видливост на патот.

Полицијата го блокираше сообраќајот на излезот од Суботица, а истрагата е во тек.