Песни од македонски поети објавени во српското списание „Браничево“

Одбрани песни од македонски поети се објавени во најновиот број на списанието за книжевност „Браничево“ во Пожаревац, Република Србија.

Ревијата за книжевност „Бранувања“ сопшти дека објавени се песни на Ристо Ѓ. Јачев, Христо Петрески, Петко Шипинкаровски, Славица Г. Свидерски, Весна Мундишевска Велјановска, Зоран Пејковски, Маја Стела Босилковска, Тоде Илиевски и Марина Мијаковска.

- Најновата презентација на македонските поети надвор од Македонија е уште една потрврда на активноста и заложбите на редакцијата на Ревијата за книжевност „Бранувања“, што се темели на воспоставување на заемна соработка и градење мостови меѓу македонската и културите од регионот и пошироко, изјави уредникот на „Бранувања“, Петко Шипинкаровски.

Списанијата „Браничево“и „Бранувања“ ќе бидат промовирани на 8 јули на манифестацијата „Струшки книжевни средби“.