Песков: Појавувањето на војници на НАТО во Украина ќе доведе до директен судар со Русија
Појавувањето на војници на НАТО на територијата на Украина ќе доведе до директен конфликт со Руската Федерација и ескалација на ситуацијата, изјави денеска портпаролот на Кремљ, Дмитриј Песков.
Одговарајќи на новинарско прашање за ризикот од ескалација и директен конфликт со НАТО во случај на појава на војници на Алијансата на територијата на Украина, Песков посочи дека во тој случај не треба да се зборува за веројатноста, туку за неизбежноста на конфликтот, пренесуваат руските медиуми.
Осврнувајќи се на вчерашната изјава на францускиот претседател Емануел Макрон дека нема консензус за испраќање војници на европските земји во Украина, но дека „ништо не треба да се исклучи“, портпаролот на Кремљ кажа дека дискусиите на западните земји за можноста за испраќање свои војници во Украина претставува нов, многу важен елемент.
-Сите други елементи во говорот на францускиот претседател веќе се претставени на еден или друг начин и веќе ги зедовме предвид, рече тој, додавајќи дека Москва добро ја знае позицијата на Макрон – „на Русија треба да и се нанесе стратешки пораз.”
Тој додаде дека голем број земји кои учествуваа на вчерашниот состанок во Париз за поддршка на Украина имаат „прилично трезвена проценка за потенцијалната опасност од таков потег и потенцијалната опасност директно да бидат вовлечени во горлив конфликт“.
По вчерашната конференција за Украина во Париз, Макрон изјави дека нема консензус за испраќање војници од европските земји во Украина, но нагласи дека „ништо не треба да се исклучува“. „Во моментов нема консензус за испраќање војници. Ништо не треба да се исклучи. Ќе направиме се за Русија да не победи“, рече Макрон на прес-конференција, пренесоа британските медиуми.
На самитот во Париз присуствуваа околу 20 европски лидери, а Елисејската палата соопшти дека целта на состанокот беше да му се испрати на рускиот претседател Владимир Путин „порака дека Европа е решена да и помогне на Украина и да се спротивстави на ’наративот на Кремљ’ дека Русија мора победи во војната, која влезе во третата година“.
Ново на Сител
-
СДСМ: Луѓе што лежеле затвор Мицкоски ги става за директори на затвори
-
Се менува законот за просветниот инспекторат, се укинува како правно лице
-
Поскапе дневната цена за престој и нега на стари и болни лица во државните геријатриските центри
-
Завршува општата расправа за ребалансот на буџетот - од понеделник на ред се опозициските амандмани
-
Македонски шуми со првична проценка на штетата од пожарите на Серта
-
Таксистите избегнуваат кратки релации во Охрид
-
Постигнат договор за цената на црвената пиперка ајварка, првата класа ќе се откупува по 40 денари за килограм
-
Какви последици може да имаат злоупотребите во Академијата за судии и јавни обвинители?