Перници и топломери доби инфективното одделение во Кумановската болница
Перници и топломери доби денеска инфективното одделение во Општата болница во Куманово. Станува збор за донација на неколку аптеки обезбедена преку хуманитарна акција во која учествуваа граѓаните.
Началничката на одделението, доктор Сунчица Јосифова се заблагодари на донацијата и ги повика и останатите компании да донираат за болницата.
– Знаејќи дека сите сме потенцијални пациенти во оваа болница, а пред се голем дел од граѓаните завршуваат и на инфективно одделение ова уште повеќе ни значи, затоа што секогаш има потреба од одредена донација, односно одредени средства за непречено функционирање на инфективното одделение. Се надевам дека и другите компании ќе се вклучат во вакви акции и ќе донираат дел од своите средства на нашата болница, затоа што Општа болница Куманово опфаќа голем број на пациенти, покрива голем регион на жители и ако се земе предвид дека тука доаѓаат пациенти и од Крива Паланка, Кратово, потребите и значењето на ваквите донации е многу важно, изјави Јосифова.
Главната сестра на инфективното одделение, Весна Саздовска вели дека овој потег за донација е за поздравување.
Кумановската општа болница го покрива североисточниот регион со шест општини и приближно 200.000 пациенти.
Ново на Сител
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа