Пендаровски оствари средба со претставниците на НАкС
Во текот на вчерашниот ден, Независниот академски синдикат (НАкС) оствари средба со претседателот на државата, г-н Стево Пендаровски. НАкС го претставуваа Маја Стевановиќ, Мирјана Најчевска, Бранимир Јовановиќ, Виктор Стефов и Елена Џукеска.
На средбата се разговараше за финансиските проблеми со кои се соочуваат универзитетите, како и за најавеното покачување на платите од 10%, за кое Собранието на РМ сè уште нема донесено одлука. Претставниците на НАкС ја поздравија иницијативата за покачување на платите на вработените на јавните универзитети, но посочија дека, поради тоа што товарот за додатоците за стаж паѓа на универзитетите, ваквите ад-хок покачувања можат дополнително да го загрозат финансиското работење на единиците на универзитетите, при што вработените повторно нема да можат да се стекнат со ова покачување. Покрај тоа, претставниците на синдикатот го пренесоа ставот на НАкС за основањето нови синдикати на универзитетите „Св. Кирил и Методиј“ и „Св. Климент Охридски“ од страна на ректорите, што претставува недозволиво мешање во синдикалното здружување.
На средбата, претставниците на НАкС ги презентираа наодите од анализите за финансиската отчетност и транспарентност во високото образование и науката, како и содржината на колективниот договор за високо образование што го предлага НАкС. Притоа, од страна на претставниците на НАкС беше потенцирано дека е нужно во најкраток рок да се потпише сеопфатен гранков колективен договор, во кој на системски начин би се уредиле правата на вработените. Сметаме дека колективниот договор кој НАкС го предлага, покрај тоа што ќе ги подобри правата на вработените, би влијаел кон намалување на системската корупција во високото образование, и би обезбедил поквалитетна наставна и истражувачка дејност.
Претседателот Пендаровски изрази разбирање за проблемите со кои се соочува високото образование и ја потенцираше потребата да се преземат конкретни чекори за решавање на наталожените проблеми во високото образование.
Ново на Сител
-
Кое е вашето емотивно наследство? | Марина Анчевска | Личен развој | Sitel Podcast 040
-
Македонските кикбоксери од Балканско со 9 златни, 12 сребрени и 11 бронзени медали
-
Најтопло во Велес, Гевгелија, Кавадарци - 34 степени, до крајот на денот локална појава на пороен дожд и грмежи
-
Пред Ајфеловата кула оставени ковчези оставени со натпис – француски војници од Украина, приведени три лица
-
Повеќе загинати и повредени во пожар во руска нафтена рафинерија
-
Едно лице загина, осуммина се повредени при уривање на зграда во Истанбул
-
Приведен дилер од Свети Николе
-
62-годишник во Кочани се самозадоволувал пред малолетничка