Парванов бара оставка од Борисов поради „моралниот крах“ во ОН
Поранешниот бугарски претседател и лидер на партијата Алтернатива за бугарска преродба (АБВ), Георги Парванов денеска побара оставка од бугарскиот премиер Бојко Борисов, како чин на негова политичка одговорност поради „моралниот крах“ околу изборот на генерален секретар на ОН.
- Тоа треба да биде машки, достоинствен одговор во една ваква ситуација, изјави Парванов, кој воедно побара и бугарскиот кандидат за генерален секретар на ОН, Кристалина Георгиева да се повлече од функцијата еврокомесар.
Како што јави БТА, Парванов оцени дека претставувањето на Георгиева во ОН било „понижувачко за бугарската држава и нација“, нагласувајќи дека таа не била кандидат за генерален секретар „на Бугарија, туку на Владата на Бојко Борисов“.
Советот за безбедност на ОН вчера со 13 гласа „за“ и два „воздржани“ реши на Генералното собрание за нов генерален секретар на Светската организација да му го предложи поранешниот португалски премиер Антонио Гутереш.
Бугарија првично за свој кандидат за генерален секретар на ОН ја предложи генералната директока на УНЕСКО, Ирина Бокова, но минатата недела реши наместо неа да ја номинира Георгиева.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд